ماكل من يركب على الخيل خيال

[طائل بن فهم]

ماكل من يركب على الخيل خيال
ولا كل خيل تعجبك هي أصيــــــــله

ولا كل من يعجبك هرجه برجال
بعض العرب ملــــــــسون وايده بخيله

الكل يلبس ثوب وشماغ وعقال
وعند اللزوم افعالهم هي قليـــــــــــــــله

الرجل تثبت له أقاويل بافعال
لاقال شئ ونفذه هو دلـــــــــــــــيله

والرجل لاشفته مع القيل والقال
ابعد عنه هذا صفاته عليـــــــــــــــله

و الكذب خله عنك مافاد لو طال
قول الصدق ياصاح غنم وجميــــــــله

وخلك شجاع وذي صفات للابطال
اللي كما سيوف تبارق سليـــــــله

واللي شراك اشريه لو كان بالمال
خلك معه وان مــــــال دور بديله

واصبر ترى الدنيا تبدل بها أحوال
وما كل شئ صافي تشـــــوفه تجي له

وبعد الكدر تشرب صفا عذب وزلال
هذا الزمن فيه استــــقامه وميله

وصاحب خليل لو جفا الوقت مامال
ترى الرجل يعرف بقيمة خليــــله

واقفل على سرك بكتمان واقفال
بعض العرب يسمع وينوي بحـــيله

وخلك أمين إذا توليت الأعمال
من خان في يوم الحشر يا حليــــله

خل التواضع فيك واضح بالافعال
ترى الكبر يردي بيوم وليــــــــــــــــله

ولا تحسد اللي عنده اموال وعيال
وش ينفعك لو كان حـــسدك يزيله

و لا تزور تقلب الزين بطـــــــــــــال
الله عليم بالنوايا الدخـــــــــــــــــيله

وخلك رزين ترى المخفه للاطفال
واصفح عن المخـــــطي ولو زاد قيله

واحمل همومك لو تزن وزن الاثقال
بكره تروح وتنجلي لو ثقـــــــــــــــيله

وصل الفروض ولاتنسيك الاشغال
محدن في الدنيـــــا درى وش بقي له

وزور الاقارب للرحم كون وصـــــال
وخلك عظيم الشان وسط القـــــبيله

وصلاة ربي عد ماهل همـــــــــــــال
على النبي اللي صفـــــاته جلــــيله


منقووول

[السامر]

بسم الله الرحمن الرحيم

جمال لا نهاية له في هذا النظم الشعري البديع
هذه القصيدة وصلتني يوم أمس على بريدي وكنت ناوي أطرحها في المنتدى لجمال روعتها لكنك سبقتني بها يابوضيف الله
لأنك سباق للطيب ولا يسبق على الطيب إلا أهل الطيب مثلك وشرواك
ومن حسن اختيارك وذوقك أنك لم تتوانا في نقل هذا الأبداع
صح لسان الشاعر
وسلمت يمينك

[طائل بن فهم]

اقتباس : المشاركة الأصلية كتبت بواسطة السامر [ مشاهدة المشاركة ]

بسم الله الرحمن الرحيم جمال لا نهاية له في هذا النظم الشعري البديع هذه القصيدة وصلتني يوم أمس على بريدي وكنت ناوي أطرحها في المنتدى لجمال روعتها لكنك سبقتني بها يابوضيف الله لأنك سباق للطيب ولا يسبق على الطيب إلا أهل الطيب مثلك وشرواك ومن حسن اختيارك وذوقك أنك لم تتوانا في نقل هذا الأبداع صح لسان الشاعر وسلمت يمينك

الله يعطيك العافيه السامر
على مرورك انت مدهل الطيب
وساسه الله يحفظك ويرعاك
وسامحنا اذا سبقناك هذه المره
لانك انت دايماً سباق لكل خير
وسباق لفعل الطيب

[جاكلين]

طائل بن ضيف الله بن فهم

قصيده قِمَه في آلْرَوعَهْ

يَعْطِيكْ آلْفْ عَآفْيَهْ يَآلْغَلآ ..

وِدِي لَك

[فتونه]

موضوع رائع <-
يعطيك العآفيه , تسلم دياتك والله
جهد تشكر عليهآ , آحترآمي ..


,’

[طائل بن فهم]

جاكلين
و فتونه
اشكركم على مروركم
الراااائع

منورين الموضوع